نستنكر ندين نشجب نرفض

بسم الله الرحمن الرحيم
لله الحمد رؤساء العرب الذين ذهبوا والباقين جميعا دوما من محبي ومشجعي ومدمني استعمال اربعة كلمات لاتفرقهم

دوما وحتى في بيوتهم ومع عوائلهم طبعا ومع شعوبهم هاي منتاهين منه

وما الجديد في ذلك يا كاتب الموضوع

الجديد ان هذه الاربع كلمات تم زيادة سعرها هذه السنة

وما تقصد

السنة راح تنعقد القمة العربية في بغداد

وما الذي يغيضك يا كاتب الموضوع

عفوا لاشيء يغيضني بالعكس يا سيدي القارئ انا فرحان جدا وحزين جدا في نفس الوقت

هاي اشلون دبرتها حزن وفرح في ان وان واحد

فرحان على لمة الشمل والرؤساء العرب اشحلاتهم من يكعدون يضحكون مقابل الكاميرات ويوزعون التحيات والابتسامات في ما بينهم

وحزين جدا جدا جدا لكطع النفس

ليش يمعود اشبيك

تدري اشكد التكلفة الاولى التقديرية لعقد هذه القمة لمدة يومين فقط والعباس ابو فاضل يومين 48 ساعة فقط لاغيرها

جيت الرؤساء وروحتهم وما بينهما فقط 48 ساعة تدري اشكد الكلفة

والله 450 مليون دولار

على شنو هل مصرف راح ايطلعون بالاخير البيان الختامي

نستنكــــــــــــــــــــــــــــــــــــــــــــــر
نديـــــــــــــــــــــــــــــــــــــــــــــــــن
نشجـــــــــــــــــــــــــــــــــــــــــــــب
نرفـــــــــــــــــــــــــــــــــــــــــــــض

يعني كل كلمة سعرها
112 مليون وخمسمائة الف دولار
الله واكبر

وتسئلني ليش حزين
لو امسوين اشجم شغله ومشروع بي خير مو اشرف واحسن من ذني الكلمات الاربع الي عجزنا منهالا وملينا

الله يوفق من اوجد هذه الكلمات
تقبلوا تحياتي