انثى شرقية الأدارة العامة
اوسمه : عدد المساهمات : 139 تاريخ التسجيل : 13/04/2011 العمر : 42 الموقع : العراق
| موضوع: كفينى فخر عرفت الوجوة اشكال السبت أبريل 16, 2011 1:28 am | |
| يكفينى فخر عرفت الوجوة اشكال ياهو اللى وياهو العلية------
شفت كلشى بحياتى الوان واشكال وهموم واذية-----
لكيت كلوب ما مسهة زعل ولكيت كلوب محجرة وغبية----
غشانى الوكت بفلتانة وفلان وماادرى الاصابع مو سوية-----
افوجن بالصبر واتناوش الراك واجلب بالصخر باثنين ادية-------
اصدك وامسح دموع العين وارد اضحك جذب والبية بية--------
العمر جام وزمانى يشامر حجار وحياتى موش كسرة مزهرية---
كفيتك من سموم الصيف مو غيرى الوكف وانطاك فية----
كتلك لا تحط بالغربة رجليك نزيزة الكاع واجدامك رخية------
كتلى العوز يكتل يشدة البال ما يعرف لا فقير ولاخطية-------
جاسمتك خبزتى وكلبى مرتاح واحن لمسامرك صبح ومسية----
اذا يوسف خوتة ذبتة ابير انتة بهجرك انكرت كل معنى الخوية-----
لاكتك عركة وكت العتاب وراوتنة انجوم الثرية-----
عركتنة انكظت والطايح ايكوم او خلى نشوف منو منة الضحية-----
احط ترجية بااذنك كبل الوداع وكبل ما تمشى اوصيك ابوصية-----
لا تاخذ حجى اليحجون وجهين حجى الودوة الك جابوة الية------
موش انة التحطنى ابين نابين ولا انى الكبعت روحى ابردية----
عمرنة انكتب اهات واحزان ومشاهد من قصصنة الواقعية-----
انة انطانى المخرج دور جلاد واعز احبابى متهوم بقضية------
اذن من حقى امثل واقع الحال واكمل كل فصول المسرحية---------
كل فصول المسرحية
م\ن | |
|