ام فيصل الأدارة العامة
اوسمه : عدد المساهمات : 667 تاريخ التسجيل : 12/04/2011 الموقع : دولة الكويــت
| موضوع: ((( قصيدة سبع الكنطره للامام العباس عليه السلام ))) الخميس أبريل 28, 2011 12:07 am | |
|
سبع الگنطره ـــــــــــــــــــ شمخ وسط المخيم والنواظر نار تجدح وآل اميه عيونهم رمــــــده سِمَع زينب تحشمه اتريد شربت ماي شد ابظهر مُهره اوللنهر كـــــــده عد عينچ يزينب والزماط ازماط لخلي الجيش مني ايضيع الشرده عَي الكون دخن من زئر عباس هز بيد اورجع لحسين شاف الجيش مو گده وگف وعيونه تقره اشتحچي عين حسين شاف اشفافه نشفت وانمرد چبـــده غضب والغيض شرعب وانحناله اوگال لخليها ابجثثهم تطفح المَــــــــــــده گام اوهد عليهم وانتخه الكرار هدت جيش كامل هد فرد هـــــده رعدت غيمت مطرت غضب سجيل ومض السيف يبرج والطبر رعده سيفه اخيار يتخير چبير الروس اومن بين الالوف الفارس ايفــرده لظم بالسيف يلظم روس المجبلين واليتحاشه سيفه ابصرخته ايسنده يتلگه الرماح اوترد للرماي يشگفها ابرهاته اوتلتوي ابزنـــده صرخت كلها صاحت هد علي الكرار انه العباس صاح الماخلف وعـده انه العباس مشرع سيف بيد حسين وانه العاهد عضيده اومانقض عهده انه سبع الگناطر والمواضي اشهود وانا ابن الصميده اليحضر الشــــده الف منكم جبيلي ابجيش ابن سفيان ونزل من مهرتي اگباله واتحـــــده كشف وجه الشِريعه اوناش بيده الماي وصل حلگه الشريف الماي وتبده روه اشفافه ابدمعته اوذكر چبد حسين لاچنتي يروحي اولاچنت بعــــــده ترجل من مهرته اوبيه توضه الماي مله الجربه اوعليهم شد فرد شده ابكثر نگل الحوافر روس بيده اطير اوملك الموت تيه حسبته اوعـده مايخطي اليطبره ايساوي جسمه اثنين يجفي امن الختل والگابله اينگده گطعوا يمنته اوشال ابيساره السيف ماصد اليمينه اعلى الخيم صـده ومن گطعوا يسار اوطاح منها السيف عض برچاب مهره اوللخيم عده تسامه اعلى الجروح ابغيرته العباس اوصاح ادركني خويه الماي يتبده صاح انكسر ظهري اوصال ابو السجاد گبت منهو يگدر يوگف ابحــــــده حظن راسه الشريف اودنگ ايشم بيه اوغِسل جرحه ابدمعته حسين ويضمده فك عينه ابخجل يتباصر اوي حسين ماهد سيف اخوك المستحه ايهده عندك بالمخيم ورده طلبت ماي اولفيح الگيض خاف ايذبل الـــورده غيره ايفيض من غيرة علي الكرار يشيل احمول دنيا ابضامره اووجــده طلب طلبه اوتشاهد بين ايدين حسين من سكنه اعتذرلي اوحلفه ابجــــــــده
للشاعر / مشير السعيدي
| |
|