قصيده لمولاتنــا فاطمة الزهراء (ع) // للكاتب كريم الحــاج فليــّح

(( شريجة روحي يالزهره))
ــــــــــــــــــــــــــــــــــــ

نذر لو ردت النه خيرت النســـــوان
ورد لزرع دربهه وأشتله ريحان
عزيزه أم الحسن وحسين وأم لحزان
وشريجة روحي يالزهره الزجيه
ـــــــــــــــــــــ
جانت أم وأخت والصاحبه النـــــه
جانت خيمه بيهه نستتـر كلنـــــه
ونشتم بيهه عطر وريحة الجنـــــه
ألف يا وسفه ضمتهه الوطيـــــه
ـــــــــــــــــ
الف يا وسفه دفعوا عالبتول الباب
والف يا وسفه ضلع الهه نكسر ونصاب
وألف ياحيف ضم أم الحسن لتراب
وألف يا حيف وافتهه المنيـــــه
ـــــــــــــــــــــ
وافتهه المنيه وكلبي شب بي نار
بالتغسيل من شفت بصدرهه أثار
أثاري صواب كسر الضلع والبسمار
وأصواب المنيه هذا أثاريــــــه
ــــــــــــــــــــ

منصواب المنيه ودعتنه بهــم
وتداري بألمهه خافت أتألــــم
ماتم بالكلب الهه نصبت ماتم
ويولــي اليوم أحنه بيا رزيه
ــــــــــــــــ
بيا هم ورزيه طحنه من بعدج
عسانه بالكبر نتوسد بســدج
يالردتي نضيع أعله الخلك كبرج
وجانت هاي الج أعظم وصيه
ـــــــــــــــــــ
و وصيتج بالحسن وحسين والحره
مو بضماد ضلعج والله وبكسره
شكبر كلبج شال الكون يالزهـــره
يا بنت النبي وخر البريــــــه
ـــــــــــــــــــ
يا بنت النبي وشمامته أنتــي
وجان يكول أمي ماهي بس بنتي
حكي عليج لو جر حسرتي وونتي
وأبجي عليج كل صبح ومسيـــــه

أفلح من صلى على محمد وآل محمد

ونسألكم الدعـــاء

» صوتيات بيوم ذكرى استشهاد فاطمة الزهراء (عليها السلام )
» قصيدة للشيخ صالح الكواز في رثاء الزهراء عليها السلام