قصيدة ,,,,,,,,,,,,,, يستاهــــــــــل العبـــــــــــاس

يستاهل العباس * نبجيله دم يانـاس
علمنه علخــوه * والغيره والنخوه

يستاهل العبـــــــــــــــــــــــاس

1 - مثل ما خاوه طه حيدره الكـــرار * خاوه حسين بلطف تنقل الاخبــار
ومثل حملات ابوه من يلزم البتار * تدنكله الركاب وتشخص الابصار
ومثل حمزه الاسد المحير الكفـار * رسم دوره الكفيل بشفرة الفقـــار

بتاره يجدح نـــــار * بلحومه مو فرار
قدوه ويضل قدوه * والغيره والنخوه
يستاهل العبــــــــــــــــــــــــاس

2 - كمر هاشم وكف بلطف علم ويرف * نا صيته المجد والغانمه تهــــــــــتف
صاح اني الكمر والماعرف يعرف * على اوتار الشرف والتضحيه يعزف
أسكت ياقلم ما تكدر أتوصـــــــــف * ونادي اوياي يستاهل دمه ينــــــزف

راسم خريطه بــــدم * وبعمره ما مهتم
رجوه ويضل رجوه * والغيره والنخوه
يستاهل العبــــــــــــــــــــــــــــاس

3 - عميد التضحيهوالدنيه بيـــــه لا ذت * لحضه اعله المذله عيونه ما نا مت
مثل روج البحر عدوانه من ماجت * تلكاها بفقاره والســـــــــــــقر راحت
خواته اتريد ماي وبلخيم تــــــــانت * كلب طف كربله من ساعته حـــــانت

ذكرهم بصفيــــــن * أوقعة أحد وحنين
صاح العمر فدوه * والغيره والنخوه
يستاهل العبــــــــــــــــــــــــــــاس

4 - سفير الزود سجل ملحمه بطفـــــــه * علك شمعة شبابه ومارضه تطفه
نبع صافي عذب ومن الزلال اصفـه * تعال اوزور كبره وفنك اتوصفــه
مناير فوك كبته العوضت جـــــــــفه * وملاك الجليل بحضرته اتـــــحفه

من طاحن الجفين * عوضهن بجنحين
أسم الكمر سلوه * والغيره والتخوه
يستاهل العبــــــــــــــــــــــــــاس

5 - يعيني الضحه عينه وضحه جفينه * شلون بدمعه تجري انتي تعوضينه
لو ما جفه طايح ونطفت عيـــنه * جا باقي الشمر لليوم واليــــــــــنه
عباس الشهم سمي شتسمينــــــه * كمر هاشم كمر علحق يدلينـــــــــه

أبجيله دم ياعيـــــن * ذب للشرف جفين
يسوه البجي يسوه * والغيره والنخــوه
يستاهل يستاهل العبــــــــــــــاس

خادم الامام الحسين عبد الجليل المالكي

السلام على سيدي ابا الفضل العباس

السلام على ساقي العطاشى وبطل كربلاء

بوركت يداكِ امي الغاليه

وسلم لنا جهدكِ المميز

ودي وتقديري

وسلم لنا حضورك واطلالتك غاليتي بطة
دمت بخير
ولك خالص مودتي

» قصيدة الشاعر سعد الفهد { تانيتكم }
» ((( قصيدة سبع الكنطره للامام العباس عليه السلام )))